Hafaliana feno firariantsoa no iarahabana antsika izay manokatra sy mijery ary mamangy ity tranokalan’ny AFAFI-FET ity. Ho amintsika lalandava anie ny fahasoavan’i Jesoa Tompo sy ny fiombonana ao amin’ny Fanahy Masina.
Efa ela ihany izay no naniriana sy namolavolana ity tranokala ity, hampielezana sy hitoriana ny Vaovao Mahafaly eo anivon’ny Aina sy Famonjena ny Fivavahana na ny « Apostolat de la Prière » sy ny Fivondronana Eokaristikan’ny Tanora (FET) na « Mouvement Eucharistique des Jeunes », ary koa ho fampahafantarana ny fikambanana amin’ireo liana hahalala sy hiditra hanatevin-daharana ao.
Tontosa izany ankehitriny noho ny fahasoavan’Andriamanitra sy ny ezaka nataon’ireo manan-talenta sy tsara sitrapo ary ny Ekipa sy ny mpiara-miasa aminy. Mbola be ny fanatsarana tsy maintsy atao sy ny tovana ombieniombieny. Ho fiaingana sy fanombohana ihany izao. Angatahana ny fanohanantsika rehetra ny fanatsarana azy, na am-bavaka izany na torohevitra na amin’ny hoenti-manana ihany koa aza.
Isaorana manokana ireo teknisianina, izay tsy hoe nanampy fotsiny fa tena nandray an-tanana mihitsy ny fanatontosana. Fa indrindra isaorana Andriamanitra tompon’ny fandaharana sy ny zavatra rehetra, fa izy no mitantana sy manoro antsika amin’ny fanilon’ny Fanahy Masina izay tokony hataontsika
Ho ela velona ao am-pontsika anie i Jesoa Kristy!
Mandrakizay
Ny Aomônie Nasionaly. P. Odon Honoré ANDRIANARISOA sj
Ireo fangatahana ho an’ny volana oktobra 2015 : – Mba ho foana tanteraka ny fitrandrahana olona izay endriky ny fanandevozana amin’ny fomba vaovao ; – Ary hitory ny Evanjely amin’ireo izay mbola miandry izany...
Mitsinjara ny «oxygène » manerana ny vatana manontolo ny rà. Izy ihany koa no manaparitaka ireo singa marobe ilain’ny vatana. Na eo aza anefa ny fivoaran’ny teknôlôjia dia mbola tsy afaka manamboatra rà ny zanak’olombelona...
« Sambatra ny madio fo, fa hahita an’Andriamanitra izy » (Mt 5,8). Ry Tanora malala manatrika etoana, sy ianareo tsy afaka tonga eto, Misaotra an’Andriamanitra mandrakariva isika fa tanteraka soa aman-tsara ity JMJ-MADA 8 taty Fianarantsoa...
Isaorana ny Tompo fa vita soa aman-tsara ny famaranana ny faha 100 taonan’ny FET tany Rôma. 10 ny solotenatsika Malagasy niatrika tany. Maro ny fifampizaràna tiana hatao ary efa eo am-pandrindrana izany ny foibe...
Diosezy folo no mankalaza taon-jobily amin’ity taona 2015 ity : Antananarivo, Antsirabe, Miarinarivo, Antsiranana, Ambanja, Mahajanga, Toamasina, Fianarantsoa, Morondava ary Tolagnaro. 60 taona nisiana, 60 taona nitoriana ny vaovao mahafaly. Fanamby goavana àry ny...
TSATILAKRI ! Ireto ny fangatahana miaraka amin’ny vavaka fanolorana ny andro amin’ity volana septambra ity : – Mba hitombo hatrany ny fahafahana mampiofana sy manome asa ny tanora rehetra ; – Ary hijoro ho...
Atokana ivavahana ho an’ny Voaary ny 1 septambra manomboka amin’ity taona 2015 ity hoy ny Ray masina Fransoa. Marihina fa efa ela ireo havantsika ortôdôksa no nisafidy io daty io mba hitondrana am-bavaka manokana...
Sahirana amin’ny fitadiavana asa ny ankamaroan’ny tanora ankehitriny. Na dia manam-pahaizana aza izy ireo dia olana ny fangatahan’ny toeram-piasana traikefa. Manentana antsika hivavaka ho an’ireo mpirotsaka an-tsitrapo sy ireo olona atao an-jorombala sy ihatahan’ny...
1. Ny teninao ry Ray, manazava sy milaza F’izay madio tanana sy izay mazava fo No afaka hiakatra ilay vohitra malaza Higoka hasambarana tsy manam-paharoa (x2) Sambatra e! izay madio fo, fanahy amam-batana Fa...
Ireo olona sahirana ara-pivelomana sy ailiky ny fiaraha-monina no entina am-bavaka amin’ity volona aogositra ity : – Mba hirotsaka an-kalalaham-po hanompo ireo olona marefo ara-pivelomana ny olona rehetra manolotena hanao asa an-tsitrapo. – Ary...
Plus
