Étiqueté : Fanolorana ny andro

Mba handray andraikitra amin’ny fanafoanana ny fampijaliana anie ny fianakaviambe iraisam-pirenena ary hanohana ireo iharam-boina sy ny fianakaviany

Mba ho tsapan’ny firohotana sy ny fikambanana masina isan’andro anie ny asa fitoriana ilofosany ka entiny hanasoavana ny besinimaro ny fanomezam-pahasoavana noraisiny.

HO AN’NY KOLON-TSAINA TSY MISY HERISETRA Mba ho an’ny fielezan’ny kolontsaina tsy misy herisetra, izay midika hoe tsy hampiasa fitaovam-piadiana araka izay atao anie ny Fanjakana sy ny olom-pirenena.

Mba hahazo valiny mazava avy amin’ny Eglizy anie ireo mijaly noho ny fanararaotana ataon’ny olon’ny Eglizy manoloana ny fangirifiriana sy ny fijaliana iaretany

Mba ho ankohonana mivelona ny finoana sy ny firahalahiana ary ny fandraisana an’ireo tena sahirana anie ny paroasy rehetra eo am-piainana ny tena fiombonana.

Mba ho vavolombelona azo antoka amin’ny fampitana ny fihavanana fa tsy ny fifaninanana anie ireo mpanabe ary mba hanampy manokana ireo tanora marefo

Mba hahita olona vonona hikatsaka ny soa iombonana anie ireo sampan-draharaha sy fikambanana miahy ny maha olona, ary hikaroka fomba fiaraha-miasa vaovao hatrany eo amin’ny sehatra iraisam-pirenena anie izy ireo.

Mba hahazo fanabeazana sy hahita fitiavana amina fianakaviana anie reo ankizy mijaly, ireo miaina eny amoron-dalana, ireo mitondra fahoriana noho ny ady ary ireo kamboty

Mba ho sehatra anjakan’ny firaisan-kina sy ny firahalahiana ary ny fandraisana ny hafa anie ny Eglizy izay miaina ny Evanjely sy mitory azy aminkerim-po ary mba hiainany bebe kokoa anie ny fiombonam-po.

Mba ho foana amin’ny lalànan’ny firenena rehetra maneran-tany anie ny fanamelohana ho faty izay manimba sy manosihosy ny hasina maha olona.