Misokatra ny fisoratana anarana ho any Rôma !
Efa manomboka ny fisoratana anarana ho an’ireo izay mikasa hamonjy ny famaranana ny faha-100 taonan’ny FET atao any Rôma ny 04 hatramin’ny 10 aogositra 2015.
Araka ny efa hitantsika any amin’ny Hafatra nalefan’ny Foibe avy any Rôma, tamin’ny fanokafana ny fankalazana ny 22 jona 2014 lasa iny dia mitentina 80 Euros ny saran-dasy mandritra ny fihaonana.
Noho izany dia ampiarahana amin’ny taratasy fisoratana anarana io vatsy io rehefa mandefa azy aty amin’ny Foibe Nasiônaly, mba hanamorana ny fandefasana azy mialoha any Rôma. Marihina fa tsy miverina io vola io raha misy ny tsy fahafahana tampoka.
Fantaro ireo fepetra amin’ny fisoratana anarana ho any Rôma.
1- Mpikambana ao amin’ny FET ary 2 taona nikatrohana farafahakeliny.
2- Tanora 15 taona hatramin’ny 25 taona. (Teraka talohan’ny 31 desambra 1999 ho an’ny zandriny indrindra, ary feno 25 taona mialoha ny 11 Aogositra 2015 ny zokiny indrindra)
3- Atolotry ny Diôsezy na dia mianto-tena aza
4- Afaka hampita any amin’ny Diôsezy ny vokatry ny Kôngresy
5- Mahafehy ny iray amin’ireo tenim-pirenena hifaneraserana (Frantsay, Anglisy, Italiana,Espaniola)
6- Salama tsara, tsy manana aretina mitaiza.
7- Manaiky hanaraka ireo fepetra rehetra apetraky ny Fivondronam-ben’ny Eveka sy ny Foibe Nasiônaly AFAFI-FET ary ny Foibe Iraisam-pirenena any Roma.
8- Ny fara-fisoratana anarana ho antsika eto Madagasikara dia ny zoma 28 novambra 2014.
Araka ny hafatra avy any Rôma dia « irina mba ho tanora ny ankamaroan’ny solontena avyamin’ny firenena tsirairay ; manentana ny AFAFI sy ny FET rehetra, hanohana ara-bola amin’izany fandraisantsika anjara izany »
Marihana fa misy mpiara-dia (accompagnateur) ireo tanora handeha ireo ka ny Foibe Nasiônaly no misahana an’izany.
Fifandraisana
Raha mila fanazavana fanampiny ianao dia afaka miantso ny Foibe nasiônaly :
Tél. : 033 02 892 13/034 06 262 59 (ora fiasana)
E-mail : fet_afafi@yahoo.fr