Famaranana ny taon-jôbily : vaovao ifampizaràna
Efa miha-manakaiky ny fotoan-dehibe hamaranantsika AFAFI-FET manerana ny Nosy ny taon-jôbily, izay hatao eto Antananarivo ny 06-07-08 Novambra 2015
Toy izao ary ireo toromarika hifampizarana mba hahafahana miatrika tsara izany :
- FIOMANAM-PANAHY
- Entanina isika tompon’andraikitra rehetra mba hanomana ny fo amam-panahin’ireo ankizy sy tanora hoentintsika hiatrika io fotoan-dehibe io mba hananany toe-tsain’ny mpivahiny masina :
- Vonona hivavaka fa tsy variana hijery tanàna fotsiny, na hamangy fianakaviana.
- Vonona handray amin-jotom-po ireo fampianarana.
- Hifandray amin’ny hafa sy hanaja azy
- Hahay handray am-pitiavana izay atolotry ny mpikarakara
- Hanaja ny manodidina (tontolo iainana, fahadiovana…)
Mila fitiavana sy sakrifisy avy amintsika izany, satria efa maherin’ny 5000 ireo mpizaika ho avy.
- Fanampin’izay rehetra efa voalaza dia ampahafantarina antsika fa hosarahina ny toerana hivantanan’ny IK, VK, EKA ary ny AFAFI. Izany no atao moa dia mba hanamorana ny fampianarana hataon’ireo Eveka Raiamandrenintsika.
- FISORATANA ANARANA
Efa nifarana tanteraka ny fandraisana ny anaran’ireo mpizaika hanatrika izany fotoan-dehibe izany. Koa isaorana ny ezaka nataonareo tompon’andraikitra isan-diôsezy tamin’ny fanangonana ny anaran’ireo beazintsika.
Marihina fa :
- fa ireo izay nisoratra ihany no afaka mamonjy ny fihaonana any amin’ny « Site » mandritra ny zoma sy ny sabotsy. Ny alahady, kosa, dia azon’ny rehetra atrehina ny Sorona Masina famaranana ao amin’ny Kianjan’ny Kôlejy Masina Misely, manomboka amin’ny 9 ora maraina.
- Mbola misy ireo izay tsy nahafeno ny saran-dasy ka iangaviana hanefa izany haingana araka izay azo atao mialoha io fotoan-dehibe io ; aterina mivantana na amin’ny alalan’ny compte MVOLA : 034 06 262 59. Ireo izay mandefa Mvola dia tsy maintsy manefa ny sarany hakana azy.
Koa iangaviana ianareo mba hilaza aty amin’ny Foibe Nasiônaly mialohan’ny handefa ny ambin’ny saran-dasy.
- FANDAHARAM-POTOANA
Toy izao ny fandaharam-potoana amin’ny ankapobeny mandritra ny Fihaonambe.
MARAINA | TOLAKANDRO | HARIVA | |
Zoma | Fahatongavana | ||
Sabotsy |
-Sorona Masina – Katesizy |
– Hetsika ara-kolotsaina hifampizarana hafaliana |
-Sakramentan’ny fampihavanana -Adoration -Projection |
Alahady |
Sorona Masina famaranana ny taon-jôbily |
Fodiana |
Marihina fa ny fahatongavana dia any amin’ireo Sites avy hatrany ka manomboka amin’ny 4 ora hariva ny fandraisana.
- FITAOVANA
Ireto avy ireo fitaovana tsy maintsy entina :
- Fitaovana ilaina amin’ny fihaonambe: cahier, stylo, fihirana, sapile…
- Fitaovana ampiasain’ny tsirairay (Borosy nify, savony, papier hygiénique…). Marihina fa efa vanim-potoanan’ny fahavaratra amin’io, ka tsara raha miomana amin’ny aro orana na elo.
- Lamba firakotra sy lafika hatoriana (isan’olona) (tsihy kely na jiafotsy…) satria tsy misy kidoro voaomana fa io lafika io no asolo azy. Marihina fa toy ny any amin’ny fihaonambe iraisam-pirenena dia miaraka amin’ireo ankizy beaziny ny masera rehetra. Koa iangaviana mba samy hiomana toy ireo beaziny ihany koa.
- Fitaovam-pihinana (vilia, sotro, kaopy…)
- Fitaovana iombonana isan-tsampana : siô sy zinga ilaina any amin’ny toeram-pidiovana
- Iangaviana koa izay afaka mitondra koveta sy siô hampiasaina amin’ny fizarana sakafo
- Mbola tena manjaka ihany koa ny fahatapahan’ny herinaratra na ny délestage eto Antananarivo ka raha azo atao dia mivatsia « lampe de poche »
- Iangaviana mba tsy hitondra fitaovana sarobidy toy ny firavaka volamena sns
- FAHASALAMANA
- Ireo izay vao avy narary na mbola marisarisa dia iangaviana hijanona avy hatrany mba hisorohana ny fahasahiranana mety hitranga
- Mivatsia fanafody mahazatra (na tsy marary aza)
- Aoka hitandrina amin’ny sakafo eny an-dalana ny tsirairay mba ho fisorohana amin’ny aretin-kibo.
- FITATERANA
- Tsara raha asiana sainam-pirenena sy sainan’ny vatican ny fiara handehanantsika. Apetraka ho talaky maso tsara ihany koa ny logo famantarana ny taon-jôbily.
- Ireo izay manana fiara mijanona amin’ny sites, dia entanina mba handefa ny isany aty amin’ny Foibe Nasiônaly mba hahafahana mandamina ny Parking mandritra ny Zaikabe.
- Mandoa 5000 Ar isan’olona ny mpamily raha toa ka hisakafo any amin’ny site. Tsara raha omena mialoha ny lisitra mba hahatsara ny fanomanana.
- FAMPAHATSIAHIVANA
- Hira Faneva
Aza hadino ny mianatra ny hira faneva, izay efa naparitaka any amintsika. Samia manamasaka izany isan-diôsezy.
- Fanamiana
Araka ny efa fantatsika dia Tshirt faha-100 taona no hanaovana ny sabotsy 07 Novambra 2015, mba hanamorana ny fitandroana ny filaminana. Ny alahady, kosa, dia manao fanamiana (Tenue). Koa tsara raha manao famandrihana mialoha ho an’nyTshirt, satria efa miha-manakaiky ny fotoana. Toy izany koa ny lakroa AFAFI-FET izay hifankafantarantsika amin’io fotoana io.
Samia mitondra ny sainan’ny AFAFI-FET